Ekparolu!

BonvenonCeEdukado.net

Ekparolu-2Ekparolu! estas interreta ilo elpensita kaj oferita de edukado.net. Ĝi donas al ĉiuj kiuj akiris bazan konon de Esperanto eblecon babili kun boneparolantaj Esperantistoj, pere de Skype.

Oni ne povas sufiĉe ofte ripeti ke lingvo estas antaŭ ĉio afero pri parolado.
Tamen multaj timas ekparoli aŭ bedaŭras ne havi eblecojn paroli. Ekparolu! estas por ili ega ŝanco.

Ne hezitu kontakti la Stelan Lingvo-grupon por pliekscii pri Ekparolu!.

Bonan Jaron

Bondeziroj2019

Esperanto estiĝu fonto de ĝojo kaj plezuro por ĉiuj kiuj ŝatas ne nur la lingvon sed ankaŭ la esperon por la tuta monda alportatan de ĝi.

La komitato de La Stelo havas multajn projektojn por 2019. Kiel vi, certe.

Venu do por ilin diskuti dum niaj “Kasta-festoj” aŭ la lundojn kiam kunvenas la anoj de la  “Lingvo-grupo”. Aŭ skribu al ni, tute simple!

Ĝis revido en 2019!

Jultempa fabeleto

JulavoJulavo parolis la noelan. Tion ĉiuj scias. Melodia kaj flua, la noela lingvo povus, tiam, iĝi lingvo de la tuta mondo, se la mondo estus afabla kaj facilanima, revema kaj imagpova. Sed jen, la mondo ne estis preta por tia lingvo, kaj malmultaj estis la homoj kiuj deziris lerni tiun esplorindan, sed iom malfacilan kaj ŝajne neutilan lingvon – almenaŭ laŭ la diro de tiuj, kiuj plejofte ĝin nek parolis, nek eĉ aŭdis -. La noela finfine paroliĝis nur de la feinoj, la gnomoj, la silfoj, la revemuloj kaj iuj birdoj. Kaj de Julavo, kompreneble.

Continue Reading

Ĉu aperos malfermo por Esperanto en post-Brexita Eŭropo?

LMIME-projecta eŭropaj Esperantistoj provis jam de jardekoj argumenti en parlamentejoj kaj komisionoj pri la avantaĝoj de Esperanto. Sen sukceso. La belega “Lingva Defio” de Claude Piron (1994),”Langues sans frontières”de Georges Kersaudy (2001) aŭ la “raporto Grin” (2005) estas  franclingvaj markoj sur tiu vojo. Sen sukceso ĝis hodiaŭ. Sed nova “raporto Grin” estas ĵus eldonita: la MIME Vademecum !

Continue Reading

Projekto Festilangues: La Stelo rezignas!

FestilanguesLa komitato de la Stelo decidis, dum sia kunsido de la 11-a de oktobro, halti la projekton FestiLangues, destinata al la junuloj kaj studentoj, pro manko de financa subteno.
La Stelo dankas ĉiujn, kiuj pretis helpi por la organizo de la evento aŭ animi seminariojn kaj konferencojn. La temoj kiuj estis elektitaj traktiĝos laŭeble dum la venontaj Kasta-festoj.

Vizito en muzeon

Afriko-1

La Stelo proponis al siaj membroj novan viziton en muzeon, la 11-an de novembro 2018. Tiufoje en la MEG, la muzeo de Etnografio de Ĝenevo, okaze de la ekspozicio “Afriko, la religioj de ekstazo” (Vidu informojn ĉi-tie.)

Tiuj vizitoj estas ĉiam riĉigantaj okazoj praktiki Esperanton. Ne manku la proksiman!

kontakto
La Stelo – CH-1200 Genève – info@lastelo.ch